சீனாவை வீழ்த்தி, இந்தியா முதலிடம் : எதில் தெரியுமா?
Posted Date : 16:05 (09/05/2017)Last updated : 16:05 (09/05/2017)


இந்தியாவின் Society of Indian Automobile Manufacturers (SIAM) வெளியிட்டுள்ள சமீபத்திய அறிக்கையின்படி, கடந்த 2016-ல் விற்பனையான டூ-வீலர்களின் அடிப்படையில், உலகின் பெரிய டூ-வீலர் மார்க்கெட் என்ற பெருமையை, சீனாவை வீழ்த்தி இந்தியா பெற்றுவிட்டது! எண்களின் அடிப்படையில் இதைச் சொல்வதென்றால், 

2016-ல் இந்தியா விற்பனை செய்த டூ-வீலர்கள் : 17.7 மில்லியன்
2016-ல் சீனா விற்பனை செய்த டூ-வீலர்கள் : 16.8 மில்லியன்


சீனாவின் வீழ்ச்சிக்கு என்ன காரணம்?
 
 

 
இந்தியாவைப் போலவே, சீனாவும் டூ-வீலர்களுக்கான ஒரு மிகப்பெரிய சந்தையாகும். ஆனால் அந்நாட்டின் 200 மாநகராட்சியில் டூ-வீலர்கள் அதிகாரப்பூர்வமாகத் தடைசெய்யப்பட்டதால்,  மொத்த டூ-வீலர் விற்பனையும் முன்பைவிடக் குறைந்துவிட்டது; கடந்த 2010-ல் சீனாவின் டூ-வீலர் விற்பனை, 27 மில்லியன் என்றளவில் இருந்தது. ஆனால் தடையின் விளைவாக, அந்த விற்பனை எண்ணிக்கையானது, கடந்த 5 ஆண்டுகளில் கடும் வீழ்ச்சியைச் சந்தித்துள்ளது. 

 
2010-ல் சீனா விற்பனை செய்த டூ-வீலர்கள் : 27.51 மில்லியன்
2011-ல் சீனா விற்பனை செய்த டூ-வீலர்கள் : 27.22 மில்லியன்
2012-ல் சீனா விற்பனை செய்த டூ-வீலர்கள் : 26.37 மில்லியன்
2013-ல் சீனா விற்பனை செய்த டூ-வீலர்கள் : 25.75 மில்லியன்
2014-ல் சீனா விற்பனை செய்த டூ-வீலர்கள் : 26.95 மில்லியன்
2015-ல் சீனா விற்பனை செய்த டூ-வீலர்கள் : 24.56 மில்லியன்
2016-ல் சீனா விற்பனை செய்த டூ-வீலர்கள் : 16.80 மில்லியன்
 
 
 

 
இறக்குமதிக்கு அதிக விதிகள் - எந்த அதிரடியும் இல்லாமல் ஒழுங்குபடுத்தப்பட்ட சந்தை - மக்களிடையே டூவீலர் டிரெண்டில் மாற்றம் இல்லாதது போன்றவையும், சீனாவின் பின்னடைவுக்குக் காரணங்களாகச் சொல்லப்படுகின்றன. மேலும் நகர்ப்புறங்களில் அதிக சிசிதிறன் கொண்ட டூ-வீலர்கள் நுழைவதற்கும் தடை உள்ளது; முக்கியமான விஷயம் என்னவென்றால், சீனாவில் மிகக் குறைந்த விலைக்குக் கிடைக்கும் கார்களும் - எலெக்ட்ரிக் வாகனங்களும், டூ-வீலர் விற்பனைக்கு பாதகமாகவே இருந்து வருகின்றன.


இந்தியாவின் வளர்ச்சி எப்படி?

சீனாவுடன் ஒப்பிடுகையில், கடந்த 5 ஆண்டுகளில் ஸ்மார்ட்ஃபோன் போல டூ-வீலர் விற்பனையும், அட்டகாசமான முன்னேற்றத்தைப் பெற்றிருக்கிறது. 2011-2012 நிதியாண்டில், 13 மில்லியன் டூ-வீலர்கள் விற்பனையாகின; இதுவே 2014 - 2015 என்றால், 16 மில்லியன் என்ற புதிய உச்சத்தை எட்டியிருக்கிறது. தற்போது 2016-2017 2016-ல், விற்பனை எண்ணிக்கை 18 மில்லியனை நெருங்கிவிட்டது! 
 
 
 
 

2011-2012ல் இந்தியா விற்பனை செய்த டூ-வீலர்கள் : 13.40 மில்லியன்
2012-2013ல் இந்தியா விற்பனை செய்த டூ-வீலர்கள் : 13.80 மில்லியன்
2013-2014ல் இந்தியா விற்பனை செய்த டூ-வீலர்கள் : 14.80 மில்லியன்
2014-2015ல் இந்தியா விற்பனை செய்த டூ-வீலர்கள் : 15.97 மில்லியன்
2015-2016ல் இந்தியா விற்பனை செய்த டூ-வீலர்கள் : 16.45 மில்லியன்
2016-2017ல் இந்தியா விற்பனை செய்த டூ-வீலர்கள் : 17.67 மில்லியன்
 
 
இந்தியா விற்பனை செய்த 17.7 மில்லியன் டூ-வீலர்களில் சுமார் 6.5 மில்லியன், கம்யூட்டர் டூ-வீலர்கள் எனப்படும் 100-110சிசி மோட்டார் சைக்கிள்கள் ஆகும்; மொத்த எண்ணிக்கையில் கிட்டத்தட்ட 5.2 மில்லியன், ஸ்கூட்டர்கள் மட்டுமே என்பது, இந்தியாவில் என்ன டிரெண்ட் என்பதை உணர்த்திவிடுகிறது! இதனுடன் சீனாவைப் போல, இந்தியாவில் டூ-வீலர்கள் மீது எவ்விதமான தடைகளும் இல்லாதது கவனிக்கத்தக்கது. 
 
 
 

இதுதவிர 1 - 2 லட்ச ரூபாய்க்குக் கிடைக்கக்கூடிய பைக்குகளின் விற்பனையும் ஏறுமுகத்தில் இருக்கிறது. ராயல் என்ஃபீல்டின் கிளாஸிக் 350 பைக்கை, இதற்கான சிறந்த உதாரணமாகச் சொல்லலாம்; இவை ஒருபுறம் மக்களின் பொருளாதார வளர்ச்சி மற்றும் நாட்டின் நுகர்வுதிறனைக் காட்டினாலும், அதிக மாசு அளவுகளினால் சுற்றுப்புறச் சூழ்நிலையும் சேர்ந்து பாதிக்கப்படுவதையும் கவனத்தில் கொள்ள வேண்டும்! 

 
 - ராகுல் சிவகுரு.
 
 
உங்கள் கருத்து
Name:    Email Id:   
தமிழ்   English   (For type in tamil : அம்மா = ammaa, விகடன் = vikatan)
(குறிப்பு: தங்கள் கருத்து பதிவு நெறியாளர் பார்வைக்கு பிறகே பதிப்பிக்கப்படும்)
விகடன் இணையதள கருத்துப் பகுதியின் விதிகளும் - வேண்டுகோளும்